«Ұстаз -ұлы тұлға»

Жүргізуші  Күз айы мерекелі де берекелі ай. Табиғаттың осы бір жыл мезгілін әркім-ақ сыңғырлаған жез қоңырау үнімен, мектептегі мұғалімдермен оқушылардың қарбалас сағыныса табысқан қуанышты сәттерімен елестетеді.

Жаңа оқу жылымен қатарлас келетін Мұғалімдер күні де, Қарттар күні де  күздің үлесіне тиіп  тұр. Ал халқымыздың ұлы батыры Бауыржан Момышұлының « Ұстаздық  -ұлы қызмет, себебі ұрпақтарды ұстаз тәрбиелейді. Болашақтың  басшысын да, данасын да, ғалымын да, еңбекқор егіншісін де, кеншісін де ұстаз өсіреді» дегенінен көп нәрсені аңғаруға болады.

Мектептің басты  тұлғасы, жүрегі  - мұғалім. Егемен елеміздің ертеңін ойлар білімді де саналы, ұлтжанды, парасатты  азаматтар тәрбиелеуде мұғалімдер еңбегінің өлшеусіз екенін баршамыз мойындауымыз керек.

Мұғалім – барша мамандықтың көш бастаушысы. Ендеше осы мәртебелі мамандық иелерін, ардагер ұстаздарымызды төл мерекесі – мұғалімдер күнімен құттықтай отырып, осы мерекеге арналған «Ұстаз -ұлы тұлға» атты салтанатты жиынымызға қош келдіңіздер демекпіз.

Бүгін біздің мектепте дүбірлі той,

Дәнекері мейрамның ұстаздар ғой.

Жырдан шашу шашылысын күй күмбірлеп

Айтылсын ақ тілектер ағылып мол ,– дей отырып бүгінгі мерекелік

кешімізді ашып ұстаздар қауымын төл мерекесімен құттықтау үшін сөз мектеп директоры Дюсекеева Меруерт Оразалықызына беріледі.

 Айгерім: Сәлем бердік ұстаздар баршаңызға,

Сіздермен тола берсін ортамыз да.

Бүгінгі ел басқарған азаматтар,

Білім алған сіздердің арқаңызда.

Бүгінгі күн құшақтарың гүлге толсын,

Дендерінің саулығы мықты болсын!

Білімменен суарған шәкірттерің,

Төл мерекең ұстаздар құтты болсын!

 Аршат: Білімді шәкірттерін аялаған,

Жақсылығын ешкімнен аямаған.

Саялы бақ жанашыры жас ұрпақтың

«Ұстаз» деген аяулы, ардақты адам.

Ұстазға керегі үлкен жүректілік,

 Ала алмас беделді ешкім тілеп тұрып.

 Шын  бедел ел таңдаулы, халық сыйы

 Оны ешкім бере алмайды үлестіріп

Балым: Мұғалім мен ұстазда бар айырма,

Ұстаз деген жақсы әндегі қайырма.

Мұғалім ол – бар болғаны мамандық,

Жеткенінше жеті өнерлі шайырғы.

Ұстаз деген ұлағаттың шайыры,

Қадірінің тиетұғын қайыры.

Ұстаз деген шуағы мол шапағат,

Шаршамайтын, шалдықпайтын тәйірі

Жүргізуші: «Ұлдарымыздың орындауында Ән»

 Балнұр: Әр адамға құрметпенен қараған 
Өз бойынан мол ізгілік тараған. 
Талап пенен тәртіпті тек ту етіп, 
Осы өмірге мұғалім боп жаралған. 
Ұстазым екінші анам аялаған, 
Біздерден бар білімін аямаған, 
Оқысын,білім алсын,үйренсін деп, 
Таңертең күнде құшақ жаяды алдан

Нұрсая: Ұстаздарым, биік тұлға байсалды, 
Құшақ жайып өз мерекең қарсы алды. 
Қуанышты жарқын тілек білдіріп 
Құттықтаймыз, ұстаздарым баршанды. 

Шәкірттерін азамат қып саналы 
Ұстаз-ана , дана бола алады 
Ең бастысы ұстаз мына өмірде 
Ұлағат боп, ұлылық боп қалады 

Айқын: Армысыздар мұғалімдер, әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би – билеп, ән де бүгін шырқалар.

Мектеп үйім, ұстаздарым, ата –анам,

Сенен өсіп, сенен ғана нәр алам.

Саяң ыстық, сен мәуелі бәйтерек,

Тамырланып сен тарапқа тараған.

Гулдана: Ұстаз деген ұстаз болып туғандар,

Ұлылықты ұлықтаған имандар.

Ұрпағының ертеңіне жол ашып,

Өмірінің өр шақтарын қуғандар.

Қимағандар ұстаз емес, мұғалім.

Мұғалім боп, ұстаз болмау күнә мың.

Қара тақта, ақ бор ғана қолданып,

Ұстатты ұстаз дүниенің құлағын..

Жүргізуші: Келесі тамашалайтындарыныз  «Жас ұландықтардың құттықтауы»

Тамашалайтындарыз:Ән

Бейбарыс: Мұғалім деген – ерекше тұлға дара шың 
Ұмытылмастай көңілде мәңгі қалатын 
Мұғалім деген – аяулы адам,асыл жан, 
Шәкірт көңілінде күн болып жайнап жанатын. 

Келесі тамашалайтындарыныз:қыздардың биі

Айбар: Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсінген сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

Адия: Мұғалім! Бұл адамның  ардақты  аты ,
Білімдік бар биікке  шығар  саты
 Ең  алғаш  басталады осы  адамнан,
 Сүйеді  сондықтан да  жақын  жатты

Ұстаз болу – жүректің батырлығы, 
Ұстаз болу – сезімнің ақындығы, 
Ұстаз болу – мінездің күн шуағы, 
Азбайтұғын адамның алтындығы. 

Айбар: Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсінген сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

Нұрсұлу: О, ұстаздар басымд ием сіздерге,

Күллі әлемнің мұғалімдер күнінде.

Жүрегімнің лүпілінен шыққан сөз.

Сая тапсын ұлы ұстаздың жүрегінің түбінде.

Бүгінгі күн құшақтарың гүлге толсын,

Дендерінің саулығы мықты болсын!

Білімменен суарған шәкірттерін,

Төл мерекең ұстаздар құтты болсын!

Келесі тамашалайтындарыңыз: «Ұстазым» әні

Жүргізуші:

Ұстаз сенген шәкірттер біз боламыз

Ақтай білу сенімді мұратымыз.

Үлгі болып әлемдік бәсекеде,

                       Алда болу әрқашан  ұранымыз, - дей отырып ұстаз сенімін әрқашан ақтауға тырысамыз.

Тағы да мерекелеріңіз құтты болсын дей отырып, сіздерге арналған мерекелік шарамызды аяқтаймыз. Қош,сау болыңыздар!