Ұстаз-ұлы тұлға

Мектебімізде 2019-2020 оқу жылының 23.09 - 06.10 аралығында мұғалімнің қоғамдағы имиджін қалыптастыру, педагог мәртебесін арттыру, моральдік-материалдық ынталандыру мақсатында «Ұстазға тағзым!» атты апталық өтті. Апталықтың жоспары жасалынып, мектеп директорымен бекітіліп, көптеген іс-шаралар жоспарланды.

Жоспарға сәйкес  «Ұстазға тағызым» ақпараттық стенд шығарылды. «Өз ұстазынды құттықта» челленджді «Жұлдыз» үйымының жетекшісі Смагулова Ж.А. өткізсе Қабылтаева Ғ.А. 4 сынып оқушыларына «Ең сүйікті ұстазым» туралы эссе жазғызды. Ал, 9 сынып оқушыларымен Қуанышова Д.О. «Мұғалім мамандығы – беделді!» тақырыбында брифинг өткізді. 3-9 сынып оқушылары «Менің сүйікті ұстазым!» тақырыбында сүйікті ұстаздарына хат жазып, алдын ала дайындалған жәшікке хаттарын салды. Оқушылар жәшіктегі хаттарда сүйікті ұстаздарына жүрекжарды тілектері мен өлеңдерін жолдапты. Мектепте «Ұстазым – ұлағатым, үлгі-өнегем!» флешмобты жоғарғы сынып оқушылары ұйымдастырды.

Білім саласында көп жыл еңбек еткен ардагер ұстаздарды құттықтау үшін 1–ші қазан күні «Қарияларға бас иеміз» тақырыбында өткен мерекелік кеш, концертке шақырылды. Бұл күні осы мектепте қызмет атқарған мектебіміздің ардагер ұстаздары Саменова К.К., Сүлейменова К.К. Отарбай Р.М. мектепке шақырылып, оқушылар мен мектеп мұғалімдері жүрекжарды құттықтау сөздерін айтып шапағатына бөленді. Аяулы ардагер ұстаздарымыз балаларға өз тәлім, тағылымдарын айтып, өнеге етті. 

4 қазан күні «Мен-мұғалім рөлінде» тақырыбымен ұстаздар күніне арналған өзін-өзі басқару күні болды.  Оқушылардың өзін-өзі басқару күнінде 9 сынып оқушылары сабақтар берді. Оқушылар ұстаздар еңбегінің қаншалықты орасан зор екендігін түсінді. Мектеп түлектері әр сабаққа мұқият дайындалып, өздерінің болашақ маман иесі болатындарын сезінді. Мектеп директорының кабинетінде жиналыс өткізіп, бір күн бойы еңбек атқарды. 

«Ұстаз – ұлы тұлға» атты 1 сынып дайындаған мерекелік концерттік бағдарламалары ұстаздардың көңілінен шығып, баршамызды қуантты. Әр сынып оқушылары ән айтып, би билеп, тамаша көріністерді тарту етті.