Бүгінгі жас – ертеңгі қарт

Ба­ла кезімізде ақ сақалды ата­ла­ры­мыз бен ақ шаш­ты әжелеріміздің “Жа­сым­да қаншалықты бей­нет берсең, қартайғанымда соның зейнетін көрсете көр”, – деп жаратқанға жал­ба­ры­нып отырғандарына та­лай куә болдық. Бұған қоса олар адам баласының әдемі қартая білуінің өзі баға жет­пес бақыт екенін әр сөздеріне тұздық ететін. Қалай де­ген­де де Алланың бер­ген ғұмырын әркім өз ақыл-па­ра­са­ты­мен мәнді ет­пек. Қоғамның ізгілігі – ба­ла­лар мен қарттарға жасалған қамқорлықпен бағаланатыны бұлжымас ақиқат. Бұл тұрғыда еліміздегі қариялар мәселесіне тоқталар болсақ, қарттар мен мүгедектер, қорғаушысы жоқ кембағалдар жал­пы зей­нет­кер­лер жайы Президентіміздің дәстүрлі халыққа Жол­да­у­ын­да на­зар­дан тыс қалған

емес. Осыған орай Жамбыл орта мектебінде  «Жақыныңа жәрдемдес» айдарымен Тыл ардагерлерінің үй маңының қарын күресіп, ауласын сыпырып көмектесіп, қариялардың батасын алды. Ақпан айындағы жұмыстар жоспарына сай Тыл ардагерлерімен кездесу өткізді. «Ізбасар» тобы Хамзин Бейсенбай атамен кездесіп, балалық шағына шолу жасап тыл кезіндегі есінде қалған әңгімелерді естіп, таң қалып, оң әсер алды. «Болашақ» тобы Тыл ардагері, еліне еңбегі сіңген зейнеткер ұстаз Бурабаева Басар Қанашқызының үйіне барды. Балалар ұстаздың еңбек жолымен тансып, марапат қағаздарын көріп, көңілдеріне қонған сұрақтар қойып, сұхбаттасты.  «Жалын» тобы да бала кезіннен еңбекке араласқан Сағынбеков Сәттәр атаның үйінде болып, фота альбомдағы ескі суреттерді сөйлетіп қайтты. Рухани жаңғыру бағытында жүргізілген бұл жұмыстар оқушылардың сабаққа деген құлшынысын арттырады және де

үлкендерге деген құрметін нығайтады деп білемін.  Аузы ду­а­лы ақсақалы бар ел жастарының қашанда жөнсіздік пен жолсыздыққа бой ұрмасы хақ. Бұған ба­ла тәрбиесіне ерек­ше

ден қойған бабаларымыздың “атаңнан бо­та қалмасын, ба­та қалсын”, “түбіріне қарай бұтағы, тегіне қарай ұрпағы” де­ген қанатты сөздері дәлел. Өйткені, бүгінгі жас – ертеңгі қарт. Осы заңдылыққа бас иген қазақ қашаннан үлкенді сый­ла­у­да тәспісінен жаңылмаған. Халқымыздың “Үлкенге – құрмет, кішіге – ізет” не­ме­се “Атаңа не қылсаң, алдыңа сол келеді” секілді пәлсапалық мәні зор қағидаларының жасқа да, жасамысқа да бағдаршам іспеттес бо­луы соның жарқын айғағы. Ендеше үлкендерімізді құрметтейік!