«Қош бол, ұстаз, алтын ұя мектебім!»

МЕКТЕП БІТІРУ КЕШІ

Жүргізуші: Армысыздар! құрметті қонақтар, ұлағатты ұстаздар, ардақты ата-аналар және мектеп бітіруші түлектер! Бүгінгі «Қош бол, ұстаз, алтын ұя мектебім!» атты Аттестат алу кешіне

қош келдіңіздер!

( Музыка ойналады)

 Жүргізуші: Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Түлектерді шақырайық ортаға. (Түлектер ортаға шығады)

Жүргізуші: Бүгін қандай шаттық толы көшеде,

Көңіл шіркін, тасып – толып өседі.

Ұл кешегі жігіт болып қалыпты – ау,

Бой жетіпті бантикті қыз кешегі.

Жүздеріңнен көрем шаттық арайын,

Болсын солай әрбір күнің, әр айың.

Тойларыңыз құтты болсын ата-ана,

Тойларыңыз құтты болсын  түлектер

Жүргізуші : Мектеп қой Еліміздің қаны, жаны.

Мектептен басталады бәрі – бәрі

Бүгінгі салтанатты кешімізде,

Шырқалсын Қазақстан Әнұраны.

(ҚР Мемлекеттік Гимні ойналады.)

Жүргізуші: Мектебімнің ыстығына күйгені,

Табыстарға мәз-мәйрам боп жүргені.

Сіздер үшін күйінгені, күлгені,

Сөздер айтар жастарымды бастайтындай ілгері. – дей келе алғашқы сөз кезегі мектебіміздің басшысы

Дүйсекеева Меруерт Оразалықызына беріледі.

 Жүргізуші: Ажырамай мектептен бір елі сіз,

Жақсылыққа жаралған жүрегіңіз.

Сөз берелік құрметпен өзіңізге.

Шәкірттерге арналсын тілегіңіз – деп, келесі құттықтау сөз кезегі мектебіміздің оқу-ісінің меңгерушісі Саменова Кенжегүл Көпейқызына  сөз береміз.
Ән: Мектеп бітірушілер әні

Жүргізуші: Өрендер кетті, сендерден енді балалық,

Тұрсыңдар міне, болашақ күнге жол ашып.

Кетігін елдің жетілдірер бол азамат,

Бір кірпіш болып дүниеге мына қаланып.

11 жыл оқып, білімің түсті қорлана

Аттестат алғалы тұрсың мектеп деген ордада.

Аттестат деген – азаматтық куәсі,

Аттестат деген – өмірге берген жолдама.

Дей келе көптен күткен қуанышты кезең,

11 жылғы төккен теріңнің жемісі,

11 жыл бойы алған біліміңнің белгісі ,

Аттестат алу кезеңі келгендей.

Аттестат тапсыру салтанатты рәсімі мектеп директорына тапсырылады.
(Салтанатты түрде аттестат тапсыру)
Жүргізуші: Жақсы шәкірт азамат атанады,

Халқынан, ата-анадан бата алады.
Ұрпағына айтсын деп ақ тілегін,
Ортаға шақырайық ата-ананы 

Құттықтау үшін сөз ата-аналарға беріледі.
Ән: «Мектебім, Достарым, Ұстазым»
Жүргізуші:

Қиындықтар мойытпасын сендерді,

Батылдық пен асыңдар сан белдерді .

Біліміңмен қуантсаңдар мектепті,

Жақсы іспен қуантыңдар енді елді

Қыран болып ұшыңыз, Оқуларға түсіңіз дей келе биіктерден көрініп, еліміздің қалаулы азамттары болуларына шын жүректен тілектеспін.

Құрметті  қонақтар, ұстаздар және мектеп түлектері! «Қош бол, ұстаз, алтын ұя мектебім!» атты салтанатты кешіміз осымен аяқталды. Келіп қуанышыбызға ортақтасқандарыңызға көптен-көп рахмет.